ಏಕಾಯಿತು ಹೇಳು ಹಿಂಗೆ?

ನಾನಂದು ಕೊಂಡೆ ಅಂದು
ನನಗಾಗಿಯೆ ನೀ ಎಂದು
ಪ್ರತಿ ಕ್ಷಣವು ಜೊತೆಗಿರುವೆವೆಂದು
ಏಕಾಯಿತು ಹೇಳು ಹಿಂಗೆ?

ಆ ನಿನ್ನ ಬಟ್ಟಲು ಕಣ್ಣು
ನಿನ್ನ ಕೆನ್ನೆ ಮಾವಿನ ಹಣ್ಣು
ಭ್ರಮೆಯಲ್ಲವೇ ನೀ ಹೆಣ್ಣು
ಏಕಾಯಿತು ಹೇಳು ಹಿಂಗೆ?

ಉಸಿರುಸಿರಲಿ ಬೆರೆತು ಬಂತು
ನನ್ನಲ್ಲೆ ನೀ ಸೇರಿದೆಯೆಂತು
ಕಣ್ಣಿಗಾದರೆ ಕಾಣದೆ ಹೋಯಿತು
ಏಕಾಯಿತು ಹೇಳು ಹಿಂಗೆ?

ನಿನಗಾಗಿ ನನ್ನನೆ ಮರೆತೆ
ನಿನ್ನ ಆಸೆ ಕೋಪಗಳರಿತೆ
ನಿನ್ನ ಧ್ಯಾನ ಗಾನದಿ ಬೆರೆತೆ
ಏಕಾಯಿತು ಹೇಳು ಹಿಂಗೆ?

ಹ್ರ‍್ದಯವೊಂದು ನಿನಗೂ ಇಲ್ಲವೆ
ನನ್ನ ಹೃದಯವನೇಕೆ ಕೊಲ್ಲುವೆ
ನಾ ನಿನ್ನ ಪ್ರೇಮಿಯೆ ಅಲ್ಲವೆ
ಏಕಾಯಿತು ಹೇಳು ಹಿಂಗೆ?

ಆಸೆ ಹುಸಿಯಾಗಿ ನನಗೆ
ಬದುಕನ್ನೆ ಕೊಟ್ಟೆ ನಿನಗೆ
ನೀನದನ ಕದ್ದೆ ಕೊನೆಗೆ
ಏಕಾಯಿತು ಹೇಳು ಹಿಂಗೆ?