ನಿನಗಾಗಿ

ವರ್ಣಿಸಲು ಹೊರಟೆ ನಾನವಳನ್ನು
ಅವಳ ಸೌಂದರ್ಯ ಸಾಗರವನ್ನು
ಮಾತುಗಳು ಸಾಲದಾದವು ಹೊಗಳಲು
ಮಾಡಲು ಅವಳ ಗುಣಗಾನವನ್ನು

ಹಂಸ ವೆನ್ನಲೇ ಇಲ್ಲ ಜಿಂಕೆಯೊ
ಇಲ್ಲ ಸಾಟಿಯಿಲ್ಲದ ನಾಟ್ಯ ರಾಣಿಯೊ
ನಗುವಲ್ಲೂ ಹಾಡುವ ಕೋಗಿಲೆಯೊ
ಅಥವ ಕಣ್ಣಿಗೊತ್ತಿಕೊಳ್ಳುವ ದೇವತೆಯೊ

ಬಟ್ಟಲು ಕಣ್ಣಿನವಳಿವಳು ಸುವರ್ಣ ವರ್ಣಳು
ಚೂಪು ಮೂಗಿನಿಂದ ಚಾಪು ಮೂಡಿಸಿದವಳು
ಮಾತಿನಿಂದ ಎಲ್ಲವನ್ನೂ ಮೋಡಿಸುವವಳು
ಪ್ರೀತಿಸುವ ಮನದ ಪಟ್ಟದ ರಾಣಿ ಇವಳು

ಏನೋ ಈಕೆಗೆ ಭಯವಂತೆ
ಯಾವುದೋ ಅಗೋಚರ ಯೋಚನೆಯಂತೆ
ನಾಳೆಯೆಂಬ ಬಲೆಯ ಚಿಂತೆಯಂತೆ
ಆಸೆಗಳು ಛಿದ್ರವಾಗುವ ಭೀತಿಯಂತೆ

ಹೇಗೆ ಬಣ್ಣಿಸಲಿ ನಾನಿವಳನ್ನು
ಮಾನವ ಸ್ವರೂಪದ ಕಲೆಯನ್ನು
ಕಲೆಯೇ ಇವಳೋ ಇವಳೇ ಕಲೆಯೋ
ಉತ್ತರಿಸಲಸಾಧ್ಯ ಈ ಎಲ್ಲಾ ಪ್ರಶ್ನೆಗಳನ್ನು