ಕನಸೆನ್ನುವುದು ಒಂದು ಬಣ್ಣದ ಕನ್ನಡಿ
ಘಟನೆಯೆಂಬ ನೈಜತೆಯ ಮುನ್ನುಡಿ
ಹೊರ ನೋಟಕ್ಕೆ ಸಿಗಿವುದು ಬರಿಯೆ ತುಣುಕು
ಅದನ್ನು ನಂಬಿ ಹೇಗೆ ಮಾಡುವೆ ನೀ ಅದರದೇ ಅಣಕು?

ಹೌದು, ಒಡೆದಿದೆ ಅದು ಹೊರನೋಟಕ್ಕೆ
ಬಿರಿದಂತಾಗಿದೆ ನಿನ್ನ ನಗೆಪಾಟಲಿನ ಆಟಕ್ಕೆ
ಆದರೆ ನಿನಗೆ ಕಾಣಿಸುತ್ತಿಲ್ಲವೆ, ಆದರೂ ಅದರ ಚೂರು
ಎಲ್ಲದರಲ್ಲೂ ಮತ್ತೆ ಕಂಡ ಅದೇ ಕನಸು ಆಗಿವೆ ನೂರು.

ಚೂರಾದ ಗಾಜು ಕಾಲಿಗೆ, ಅದರ ಬೆರಳಿಗೆ ಸಿಕ್ಕಿವೆ
ಸಿಕ್ಕು ಅವನ್ನು ಚುಚ್ಚಿ, ಝಲ್ಲನೆ ನೆತ್ತರು ಚಿಮ್ಮಿದೆ
ನೋಡು ಸರಿಯಾಗಿ ಅಲ್ಲಿ, ಅದು ಜೋರಾಗಿ ಹರಿದಿದೆ
ಹರಿದು ಹರಿದು ಬಿಸಿಲ ದಾರಿಯನು ನನಗಾಗಿ ತಣಿಸಿದೆ

ಕನಸೆನ್ನುವುದು ಒಂದು ಬಣ್ಣದ ಕನ್ನಡಿ
ಘಟನೆಯೆಂಬ ನೈಜತೆಯ ಮುನ್ನುಡಿ
ಹೊರ ನೋಟಕ್ಕೆ ಸಿಗಿವುದು ಬರಿಯೆ ತುಣುಕು
ಅದನ್ನು ನಂಬಿ ಹೇಗೆ ಮಾಡುವೆ ನೀ ಅದರದೇ ಅಣಕು?