ಅಂದುಕೊಂಡಿದ್ದೆ

ಅಂದುಕೊಂಡಿದ್ದೆ ನೀನು ಚೆಲುವೆಯೆಂದು
ನನ್ನ ದೇವತೆ ನೀನೆಂದು ತಿಳಿಯಿತಿಂದು
ಅಂದುಕೊಂಡಿದ್ದೆ ನೀನು ಸುಗುಣಳೆಂದು
ನಿಲಿಸಲಾರೆ ನಿನ್ನ ಗುಣಗಾನವಿಂದು

ಅಂದುಕೊಂಡಿದ್ದೆ ನೀ ರೂಪರಾಶಿಯೆಂದು
ತಿಳಿಯಿತು ನಿನಗಿಂತ ನಿನ್ನ ಮನಸೆ ಅಪರೂಪವೆಂದು
ಅಂದುಕೊಂಡಿದ್ದೆ ನಿನ್ನ ಗುಳಿ ಚೆಂದವೆಂದು
ಆದರೆ ತಿಳಿಯಿತು ನನ್ನ ಹೃದಯವೇ ನಿನ್ನ ಬಳಿಯಿದೆಯೆಂದು

ಅಂದುಕೊಂಡಿದ್ದೆ ನೀನು ನನ್ನವಳೆಂದು
ಆದರೆ ಆಗಿರುವೆ ನಾನು ನಿನ್ನವನಿಂದು
ಅಂದುಕೊಂಡಿದ್ದೆ ಜೀವನ ನಿನ್ನೊಡನೆಯೆಂದು
ಆಸೆಯಾಗಿದೆ ಮರು ಜನ್ಮದಲ್ಲೂ ನಿನ್ನ ಜೊತೆಯಿರಲೆಂದು

ಅಂದುಕೊಂಡಿದ್ದೆ ನೀನು ಅಸಮಾನ್ಯಳೆಂದು
ಗೊತ್ತಾಗಿದೆ ಪರಮಾತ್ಮ ನಿನ್ನೊಳನಿಹನೆಂದು
ಅಂದುಕೊಂಡಿದ್ದೆ ನಿನ್ನ ಪ್ರೀತಿಸುವೆನೆಂದು
ನಿನ್ನ ಪ್ರೀತಿಯಿಲ್ಲದೇ ಬದುಕೇ ಇಲ್ಲವೆಂದು ತಿಳಿದಿದೆ ಇಂದು